Fyonladiya twe dekhi ki | Kishan mahipal | Garhwali Song

Lyrics: Late Sh. Shiv Prasad Pokhriyal
Singer: Kishan Mahipal
Music: Ishaan Dobhal
Rythem: Subhash Pandey
Actor: Anya Bisht
Camera/Edit & Direction: Kishan Mahipal
Prouduction: ROUN GROUP

---

फ्योंलडिया त्वे देखिक औंदी यो मन मा
तेरो मेरो साथ छयो पेला जनम मा (2)

***Rap***
छाजा माँ बैठिक खुटी हल्काणी
हाथ मुबेल, धोंपेली हिलाणी
तेरी नाके नथुली, तेरी माथे बिंदुली
केते सनकाणी, अर क्या च बिन्गाडी

***Music***
मुंड की घुंगर्याली लटूली, सूरी जैसी कीरणी
बिगरेली खुट्योन हिटदी, डांडयों की सी हीरणी

छुण छुण छुमणाट… छुण

छुण छुण चूडयों कु छुमणाट हाथों मा
तेरो मेरो साथ छयो पेला जनम मा…

फ्योंलडिया त्वे देखिक औंदी यो मन मा…
तेरो मेरो साथ छयो पेला जनम मा…

***music***

गोरी मुखड़ी मा जब तू घूँघट खेंचदी
धोतिन हुठण्यों दबेकी मुल-मुल की हेन्सदी

झिलमिल झिमलाट तेरो

झिलमिल फुल्ली कु झिमलाट नाक मा
तेरो मेरो साथ छयो पेला जनम मा…

फ्योंलडिया त्वे देखिक औंदी यो मन मा…
तेरो मेरो साथ छयो पेला जनम मा…

*** rap ***
दगडयों का दगड़ी तू घासों कु जांदी
छुण छुण दाथुड़ी का छुणका बजांदी
रसीला गीतों की तू भोंण लगान्दी
फर फर बथों मा दुपट्टा उडान्दी
डांडयों सी मोल्यार, फ्योंली सी फ्योंलड़ी
जन गवेरू का गीत मा कृष्ण मुरूली
त्वे देखि एक बात आई यो मन मा
तेरो मेरो साथ छयो पेला जनम मा

***music***
पाणी की गागरी लेकी जब उकाली आंदी तू
देखिक मैं बौगा ह्वेकी मुखड़ी फरकान्दी तू

देखिक आन्ख्यों कु सर….

अरे देखिक आन्ख्यों कु सरमाणु मन मा
तेरो मेरो साथ छयो पेला जनम मा…

फ्योंलडिया त्वे देखिक औंदी यो मन मा…
तेरो मेरो साथ छयो पेला जनम मा